بدون وسيط
عزيزى الزائر مرحبا بك نورت المنتدى اذا آردت المشاركة فى مواضيع المنتدى أضغط على زر التسجيل ودون بياناتك وستصلك رسالة على بريدك الذى سجلت به تؤكد اشتراكك وبها رابط لتنشيط اشتراكك ولو أحببت التصفح فقط فلا يشترط التسجيل / مرحبا بك - ادارة الموقع / مجدى فتوح

طرائف / عاوز تفرفش لا تتردد أدخل هنا

استعرض الموضوع السابق استعرض الموضوع التالي اذهب الى الأسفل

قرآن كريم طرائف / عاوز تفرفش لا تتردد أدخل هنا

مُساهمة من طرف magdy في الثلاثاء 02 مارس 2010, 8:55 pm

ابتسم


واحد مسطول سايق عربيه فعمل حادثه و موت 122 واحد الظابط بيسالو انت اعمى ازاى تعمل الحادثه دى
المسطول قالو انا كنت ماشى بالعربيه فجاة ماتلاقيتش فرامل و كان فى اتنين واقفين على اليمين و فى فرح فى الشمال ادخل فى مين يا باشا
قالو فى الاتنين اللى وقفين و تسيب الفرح
قالو انا عملت كدة والله واحد مات و التانى جرى على الفرح ما سيبتوش يا باشا

واحدة نايمة جنب جوزها الكسلان سمعت صوت في الصالة قالت لجوزها قوم شوف يمكن حرامى.. قالها قومي شوفى انتى يمكن حرامية

مرة واحد ندل بيموت فبيوصى عياله يكونوا اندل منه قطعوا عنه خرطوم الأكسجين

واحد قتل حماته، الظابط بيسأله اسمك ايه؟
قاله: اكتب فاعل خير


مرة واحد مسطول طلعلة الفنوس السحرى اعد يدعك فية لغايك لما العفريت جالة تسلخات


مسطول بيعاكس وحده سوده بيقولها بموت فى البيبسي راحت تفت عليه قاله ياها وكمان بتفورى


واحد بلدياتنا دخل جنينة الحيوانات ودخل راسه في قفص الاسد، الحارس جري عليه قاله انت بتعمل ايه، قاله ايه يابا يعني هناكله

مره واحد بخيل ابوه مات عيط عليه بعين واحده

مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قالة لية دا انا قدامي واحدة على خمس تلاف وحامل

واحده وحشه قوى بتقول لجوزها يا رااااجل مش تصلح شباك الحمام علشان وانا بستحمه الجيران مايشوفونيش قالها: خليهم يشوفوكى علشان يصلحوه على حسابهم

واحد نايم جنب مراته فسمعت صوت، بتقوله يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع

مرة واحد ماشي في الشارع لقى واحد عمال يقول:الحقوني الحقوني قاله: في ايه قله: حماتي عايزه ترمي نفسها من الشباك قاله :أنت حمار ماتسبها ترمي نفسها قاله:ما هو الشباك مش عايز يفتح

واحد طلع يرمى نفسه من فوق البرج قابله واحدشيخ وقاله ليه هترمى نفسك قال عشان غبى قاله طب اناهسالك سؤالين وهشوفك غبى ولا ايه.حاجة اسمها زى جسمها تبقى ايه قاله معرفش قاله يعنى بيضه يابنى.طب هى ساعات بنسلقها وساعات بنقليها تبقى ايه قاله دى واعرة عليه.قاله يعنى بيضة يابنى . طب بص بقى حاجة ليهااربع رجول وديل وبتنونو تبقى ايه قاله يعنى البيضة قام الشيخ رماه من فوق البرج

مرة 4 دخلوا يحيو فرح راح الاول نقط بخمسة جنية وضرب طلقة في الجو راح التاني منقط بعشرة جنية وضرب طلقتين في الجو راح التالت منقط بعشرين وضرب ثلاثة طلقات في الجو جه ابوهم وحب يعمل مجاملة نقط بمائة جنية ورمي قنبلة علي الفرح
مرة واحد بلدياتنا بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش هاتحلم بيهم تاني خالص... قاله خليها بكرة يا دكتور علشان النهاردة ماتش النهائي


واحدة ست مسكت حرامى فى المطبخ ،فقالت لابنها روح إنده ابوك من على القهوة جه ابوه ولما فتح المطبخ لقي الحرامي صغيّر فقال له انت اسمك ايه؟ قالوا حسنين،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين حسنين

الزوجة : إنت دايما شايل صورتى معاك و رايح بيها المكتب ...ليه؟
الزوج: لما بلاقى مشكلة مهما كانت معقدة ببص لصورتك ألاقيها اتحلت على طول.
الزوجة: شايف أنا أد إيه مهمة بالنسبالك. الزوج: أيوة...ببص فى صورتك و أقول لنفسى " إيه المشكلة اللى ممكن تكون أكبر من دى؟

الصحفى للمليونير: لمن يرجع نجاحك كمليونير. المليونير: يرجع نجاحي لزوجتى. الصحفى: يا لها من امرأة!!
ماذا كانت حالتك قبل زواجها؟ المليونير : ملياردير

مرة واحد قال لصاحبه عاوز أعمل مفاجأة لمراتي في عيد جوازنا
صاحبه : هتعمل لها إيه؟
حوديها الصين
يا راجل فى عيد جوازكوا العاشر توديها الصين
أومال فى عيد جوازكوا الخمسين هتعمل ايه؟ !!
حروح اخدها

مرة واحد سكران راح قعد على البحر عدت عليه واحدة بيضةو حلوة راح قال : يا حلو يا ابيض يا جميل
بعد شوية عدت عليه واحدة تانية قال : يا حلو يا أبيض يا جميل بعد شوية عدت عليه واحدة سودة وحشه راح قال : وعدى الليل على مهلو على مهلو

دكتور فى مستشفى المجانين حب يعرف نتيجه العلاج بتاع المجانين بتوعه قال اخدهم للبحر المهم راحو البحر المهم اللى جرى على الميه واللى بيلعب فى الميه ماعدا واحد لاقه قاعد لوحده قال يمكن عقل راح قعد جنبه وقاله انت بتبص للبحر وتتأمل كده ليه فى البحر قاله بفكر لو البحر ده ملوخيه نجيب عيش منين

مره واحده سوداه اوى ركبها عفريت راحت للشيخ علشان يطلعه الشيخ بيقوله اطلع يا عفريت قاله انا نفسى اطلع بس مش شايف

واحد صعيدي مراته بتقوله قوللي حاجة حلوة يا راجل قاللها بسبوسة قالتله لأ قوللي حاجة تهزني قاللها مرجيحة قالتله يا راجل قولي كلمة تحسسني ان انا مراتك قالها انت طالق

في نذل راح دار اليتامه وشغل لهم اغنية بابا فين

مرة حرامي تجوز أبلة رياضيات خلفوا ولد شبه منحرف

مدرب يسأل لاعب محشش : "في كم مر تقدر تلف الملعب" قاله فى سجارتين

مرة واحد حب يتخلص من الدهون الي في جسمه شرب زجاجة بريل

واحد بلديتنا بيحط الثلج فوق التليفزيون عشان يجمد الصورة

دخل المدير الشركة و لقي السكرتيرة بتبوس الموظف الي عنده قال لها وهو انا بدفعلك مرتب عشان تعملي كده في الشركة ردت السكرتييرة لا انا ده بعملو ببلاش

الزوجة بتقول لزوجها الغبي شايف الجار الي جانبيني بيحب مراته ازاي كل ما يخرج من البيت بيبوس مراته ليه ما تعملش زيه الزوج: بجد ما يهمكيش ابوسها انا كمان

واحد لصاحبه تصدق ليه ثلات شهور ما بكلمش مراتي صاحبه قاله ليه متخصمين قاله لا بس منعتني اقاطعها في الكلام

ولد يسأل ابوه .... هل الحب اعمى ؟؟؟ رد عليه ابوه .. وقال : شوف امك وانت تعرف

كان فى مرة طالب فاشل دخل الامتحان ميعرفش حاجة خالص، وكان حظه ان الاسئلة صح وغلط، طلع بريزة من جيبة وقعد يقول اللى تطلع كتابة يبقى صح فخلص بعد نصف ساعة لقى زمايلة لسة مخلصوش راح طلع البريزة تانى علشان يراجع

واحد قليل الادب كتب فى كروت فرحه الزفت الجاى ميتاخرش والمش جاى فى ستين دهية والكلاب الصغيرة تترزع فى البيت والحق على الواطى العزمكو

عسكرى مصرى بيسأل عسكرى اسرائيلى بتقبض كام قالوا الف دولار بدل سكن والف دولار بدل موصلات والف دولار بدل ترفيه والف دولار مكافه فالعسكرى الاسرائيلى ساءل العسكرى المصرى بتقبض كام قالوا سبعين جنيه قالوا بدل ايه ده؟ قالوا....بدل ماشحت

واحده وحشه قوى طلعلها عفريت وقالها نفسك فى ايه؟ قلتله نفسى الرجاله كلها تقع فيه: قالهاخلاص بكره الصبح اقلبك بلاعه

واحد حط الفياجرا في الثلاجه جه تاني يوم لقي بابا غنوج بيبوس ام علي

مرة واحد بلديتنا صعيدي بيلعب دومينو مع الحمار فواحد شافه فقاله مش عيب لما تلعب دومينو مع الحمار قاله
الحمار الي مش عاجبك ده غلبني عشرين دور

استضافوا واحد صعيدي في برنامج الكاميرا في الملعب سألوه بتشجع مين قالهم المقاولين العرب قالوله بتحب مين في المقاولين العرب قالهم الجماعة بتوع المحارة

مره خمس صاعيده حاولوا يركبوا لمبه واحد مسك اللمبه و الاربعه لفوا السقف

مرة واحد كان سايق عربية بيجو 7 راكب علي الطريق السريع ومعا ناس وكان ماشي بسرعة 120 فقام واحد من الراكبين وقال للسواق هدي السرعة شوية فقاله السواق انت بتفهم في البيجو قاله لأ فقاله طب اسكت قام مزود السرعة ل160 قام واحد قاله هدي السرعة شوية قام قاله بتفهم في البيجو قاله لأ فقاله طب اسكت قام مزود السرعة ل180 قام واحد قاله هدي السرعة شوية فقاله بتفهم في البيجو فقاله أيوه فقاله طب تعالي وقفها

عايزين يثبتوا ذكاء الصعايده فقالوا هنسئلهم سؤالين الاول:مين اللي انتصر في غزوه بدر قالو المسلمين ومين اللي كسب في ماتش الاهلي والزمالك الاخير قالو الاهلي قعدوا يهيصوا وقالوا احنا اذكياء وفي وسط الهيصه واحد سأل امال الزمالك هايلاعب الكفار علي التالت والرابع امتي

مرة واحدة ست خنفة ركبت الاتوبيس قالت للسواق انت هتنف كدة ولا هتنف كده قالها:لا انا هبربر على طول

جماعة حشاشين قاعدين يحششوا كبس عليه البوليس سابوااللى فى ايديهم ووقفوا صف واحد سألهم الظابط..... انتوا بتعملوا ايه قاللوا بنصلى يا باشا قالهم والنار دى ليه ........قالوا علشان اللى مبيصليش يا باشا

واحد صعيدى عايز يخس الدكتورقالة لازم تمشى 10 كيلو كل يوم بعد3 شهور كلم الدكتور وقالة انا داخل على ليبيا كفاية ولا أكمل

السعودية إ تبرعت للصومال بشحنة أدويه ، فرجعتلها تانى ليه؟
لانها كلها بعد الاكل

مرة اتنيين مساطيل راكبين عربيه فواحد بيقول للتاني "حاسب قدامك شجره" فمردش عليه راح مزعق شويه وقال "حااااسب قداااامك شجرة" برضه مردش عليه طراااااخ خبطوا في الشجره فقال الاول "مش قلتلك قدامك شجره" رد عليه وقاله "اعملك ايه مش انت الي سايق

مرة واحد ماشى مع خطيبته واخر انسجام فقالها "عارفة اية هو الحب واية الجواز؟
" قالته "لا" قالها: "الحب زى النجوم الجميلة اللى فى السماء" قالتله"طب والجواز؟" قالها:دى البلاعة اللى واحنا بنبص على النجوم بنقع فيها

مره عملوا مسابقه لتعجيز الكمبيوتر كل ماحد يساله سؤال يجاوب بعد اقل من دقيقه جه الصعيدي كتب السؤال بتاعه الكمبيوتر طلع دخان واتحرق سالوا الصعيدي سؤالك كان ايه قال انا سالتوا ابو قردان قبل ما يخلف قردان كان اسمه ايه؟

واحد رخم عرف ان الاموات بتحس وتسمع باللى بيحصل حواليها راح الترب و شغل الكاسيت على العالى باغنية الحياه حلوه

ثلاثة اطفال دخلوا محل لعب واحد قال للبائع عايز بلونة راح الراجل طلع علي سلم و جاب بلونة ونزل و سأل التاني عايز ايه قاله عايزبلونة قاله كنت قلتلى و انا فوق المهم طلع و جاب البلونة و قبل ما ينزل سأل التالت انت عايز بلونة قاله لأ فنزل الراجل و ساله طيب عايز ايه قاله عايز بالونتين

مرة شوية مجانين فى مستشفى رسموا باب على الحيط وقعدوا يخشوا فية بكتفهم علشان يتفتح فالدكتور دخل عليهم لقى واحد قاعد على جنب قالة انت اللى عاقل فيهم والله انت مبتعملش زيهم لية قالة ...... قالة حمير ميعرفوش ان المفتاح معايا

وحده حامل راحت تولد الدكتور طلع اول طفل ضربه على ظهره وحطه على جمب جه وطلع التانى وحطه على جمب بيطلع التات ما رضيش يطلع قال للممرضه تعالى كملى انتى انا تعبت قام بص الطفل التالت وقالها الراجل اللى بيضرب العيال مشى ولا لسه

عريس بيقول لعروستة لازم تعرفي ان كلمتي في البيت زي الساعه بصتله بنظرات غضب...قالها يعني لا بتقدم ولا بتأخر

مرة واحد مسطول فتح الثلاجة لقي الجيلي بيترعش فقاله ماتخفش انا هاخد الزبادي

صعيدي بيتفلسف علي اخوه وبيساله " عارف يوم الاثنين اجازة ليه " رد اخوه بفهلوة وقاله " ايوة اكيد موافج يوم جمعة"

في السنة الاولي جواز الزوج يتكلم و الزوجة تسمع و في السنة الثانية جواز الزوجة تتكلم و الزوج يسمع و في السنة الثالثة زواج الاثنين يتكلمون و الجيران يسمعون

بيقولك مرة واحد رزل دخل السينما مالاقاش غير واحد بس راح جلس وراه وقاله دماغك لوسمحت

اتنين مساطيل طينة طلبت معاهم ان اول واحد هيعدى من الشارع يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها

واحد و هو بيموت بص لمراته بصه كلها رومانسيه و قالها : انا لما اترفدت كنتي معايا ، و لما عييت وقفتي جنبي، ولما فلست برضوا كنتي معايا ، و دلوقتى لسا جنبي ، مسك ايدها بحنيه و قالها :مش عارف ليه حاسس انك نحس

مرة واحد صعيدي حب يعمل روش كتب على الشومة أديدس

اتنين مساطيل قاعدين يحششوا في المقابر ومرت جنازة فواحد منهم بيقول للتاني هي جنازة مين دي يا عبدو؟ فرد علية دي جنازة الشيخ محروس فقال الاولاني يا حول الله وتاني يوم وهما قاعدين في نفس المكان مرت جنازة فنفس الشخص سال التاني هي جنازة مين دي يا عبدو؟ فرد عليه دي جنازة الشيخ محروس فقال الاولاني يا حول الله وتالت يوم وهما قاعدين في نفس المكان مرت جنازة فنفس الشخص سال التاني هي جنازة مين دي يا عبدو؟ فرد عليه دي جنازة الشيخ محروس فرد عليه هي الدنيا ملطشة معاه كدة لية

كان فية اتنين متجوزين جديد فقعد العريس ماسك قسيمة الجواز فى ايدة حوالى ساعة فسالتة مراتة انت لية
ماسك عقد الجواز فى ايدك؟ قالها بدور على تاريخ الصلاحية

بخيل واقف فى البلكونة... ابنه جاى من بعيد يقول له بابا بابا بابا ... قاله: يا ابن الكلب بابه واحده كفاية

ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه

مره واحد مستعجل اجوز واحدة مستعجله خلفه عيل مش فاضى

مرة اثنين بلدياتنا في الجيش فالصول بيسال الاول ايه ده؟ رد عليه قاله: قله البندجيه يافندم... قال له : قله بندجية ايه ياهريدي دي وطنك دي امك. فراح للعسكري التاني قاله ايه دي قاله دي ام هريدي يا فندم

أبو العربي قاعد على القهوة مع نونو وقالوا إن أبو جهل كان بيتعشى معه أمس في البيت فرد نونو قلوا ياأبو العربي أبو جهل مات من الف وربعميت سنه أم نادى أبو العربي على مسعد قالوا يامسعد مش أبو جهل كان بيتعشى معيا أمبارح قالوا مسعد الكدب خيبه ياأبو العربي.... بس كان فيه عربيه أجرة راكنه هنا أمبارح....أجرة قريش

صعيدى فى الجيش واقف تشريفة و فيه ضيف كبير جاى يزور الوحدة فالقائد بيديلهم التعليمات الأخيرة

القائد : أول الضيف ما يدخل تضربوا 21 طلقة تحية للضيف .الصعيدى : و لو الضيف مات من أول طلقة نكمل برضه ؟؟



69. واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم
، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام
، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين

70. الولد اتأخر على المدرسة فالمدرس بيسأله اتأخرت ليه قاله اصل بابا بيضرب اخويا، قاله طب وانت مالك، قاله بيضربه بجزمتي!



71 . مرة في واحد بخيل انجرح ، راح عمل مسد كول للإسعاف

72 . صعيدي اثناءالحج صمم انه ينام في سكن الحريم , المسؤولين حاولوا يفهموه انه يوجد سكن خاص بالرجال , لان السكن ده خاص بالحريم , قال لهم والله فاهم بس انا جاي احج عن امي

73 . اثنان صعايدة يلعبون الشطرنج فقال الأول: قتلتلك الحصان فأستأذنه الثاني بضع دقاق و عندما عاد اليه قال: سممتلك البهايم كلها

74. واحد صعيدي رجع من امريكا قاعد بيحكي لأبوه وأمه الحاجات الغريبة اللى شافها . - دانا شفت هناك واحد وقع من فوق عمارة طويييلة.. قعد ثلاث ايام لحد ما وصل الأرض. أمه سألته: طيب مات ؟؟ ابوه رد عليها: ثلاث أيام لا يأكل ولا يشرب .. أكيد يموت



75 . محشش سأل واحدة اسمك ايه؟ ردت: أسماء؛ فقال: يعني ما فيش اسم محدد؟!


عدل سابقا من قبل magdy في الإثنين 28 مارس 2011, 1:52 pm عدل 1 مرات
avatar
magdy
مشرف عام
مشرف عام

الجنس : ذكر عدد المساهمات : 273
تاريخ التسجيل : 06/11/2008
الموقع : مصر

http://nowaseet.egyptww.com

الرجوع الى أعلى الصفحة اذهب الى الأسفل

قرآن كريم رد: طرائف / عاوز تفرفش لا تتردد أدخل هنا

مُساهمة من طرف ???? في السبت 26 مارس 2011, 12:34 am

Razz Laughing تحفة جدا
avatar
????
زائر


الرجوع الى أعلى الصفحة اذهب الى الأسفل

قرآن كريم رد: طرائف / عاوز تفرفش لا تتردد أدخل هنا

مُساهمة من طرف ronarona في الثلاثاء 25 ديسمبر 2012, 9:40 am


ronarona
عضو مميز
عضو مميز

الجنس : انثى عدد المساهمات : 81
تاريخ التسجيل : 12/11/2012

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى